Lopi Magic húfa
FRÁ ISK650
Lopi Magic húfan er húfa í stíl við Lopi Magic peysuna og tekur enga stund að prjóna. Hún er líka fullkomin leið til þess að nota afgangs garn úr peysunni.
Hún er prjónuð að neðan og upp. Byrjað er á I-cord snúru uppfiti og tvílituðu stroffi í stíl við stroff peysunnar.
Garn notað: annað hvort 1 þráður af plötulopa+Love Story eða Léttlopi eða Álafosslopi
Lopi Magic peysu uppskrift fæst hér.
PDF uppskrift (Lopi Magic húfa er til á íslensku, ensku eða frönsku)
lika til á Ravelry
> Meiri upplýsingar neðar
Hönnun: Hélène Magnússon
Rétt eins og peysuna er hægt að prjóna húfuna úr Álafosslopa, Léttlopa eða einum þræði af Plötulopa, haldið saman við einn þráð af Love Story. Útgáfurnar þrjár eru allar prjónaðar með sömu prjónfestu á sömu prjónastærð en eru mjög ólíkar í áferð og þyngd. Er því hægt að velja um þétta, eða mjúka og eftirgefanlega, eða lauflétta húfu. Í þessu felast töfrar lopans: hann er fullur af lofti, aðlagar sig að valinni prjónastærð og kemur alltaf fallega út. Ef prjónað er þétt helst lopinn þannig, ef prjónað er laust þenst hann út og fyllir upp í öll göt.
Stærðir: M(L/XL)
Lengd: 20,5(22,5) cm
Stærsta ummál: 55.5(64) cm passar á höfuð með 53-58.5(56-61) cm ummál.
Hægt er að búa til fleiri stærðir með því að skipta um prjónastærð.
Prjónfesta: 10 cm = 13 L og 19 umf með sléttu prjóni á prjóna nr 7.
Metratal notað
- Aðallitur: 49(58) m
- Aukalitur 1 (lauf): 19(23) m
- Aukalitur 2 (blóm): 21(25) m
Prjónar: hringprjónar nr 6 og 7. Töfralykkju-aðferðin (e. Magic Loop) er notuð en einnig má nota sokkaprjóna eða aðrar aðferðir til þess að prjóna í hring.
Annað: stoppunál, prjónamerki, geymslunálar eða lítil öryggisnæla.
Garn
Þrír möguleikar eru í boði, frá þeim léttasta að þeim þyngsta, en alltaf er prjónað með sömu prjónastærð og prjónfestu.
- 1 þráður af Plötulopa + 1 þráður af Love Story
Plötulopi frá Ístex: 100% ný ull, óspunnin, 100-110 g plata = u.þ.b. 300 m.
Love Story Einband frá Hélène Magnússon: 100% ný ull, hrein íslensk lambsull, afar fíngert eingirni, 25 g dokka = 225 m. - Léttlopi (eða 2 þræðir af plötulopa) frá Ístex: 100% ný ull, lauslega spunnin, Aran þyngd, 50 g dokka = 100 m.
- Álafosslopi (eða 3 þræðir af plötulopa) frá Ístex: 100% ný ull, lauslega spunnin, grófbands þyngd, 100 g dokka = 100 m.
Sýniseintak er úr Álafosslopa: Aðallitur #0059 / Aukalitur 1 #9971 / Aukalitur 2 #9965
Aðferð: prjónað í hring, tvíbandaprjón, stuttar raddir, I-snúra
Uppskrift: hún kemur sem PDF niðurhal með tölvuposti og er ekki send í pósti. Þú finnur hana einnig alltaf í reikningunni þinni undir Niðurhal.
| Túngumál | á ensku, á frönsku, á íslensku |
|---|
Related products
