Rollur (Rollupeysa)

Hönnun: Hélène Magnússon

Líkt og samnefndir vettlingarnir er Rollupeysan óður til íslensku sauðkindarinnar. Fallega Heiður-ullarbandið frá Urðurull var því tilvalið til þess að prjóna peysuna. Það er einstaklega mjúkt band spunnið úr lambsull frá Dölunum og fæst í öllum mögulegum sauðalitum.
Áskorunin við hönnun munstursins var að teikna kind sem er auðþekkjanleg sem íslensk, en sem er ekki hægt að rugla saman við geit eða annars skonar dýr með horn.

Rollupeysan er með kynlausu sniði og bjóða leiðbeingar upp á fjórar útgáfur: peysu eða hneppta peysu, ýmist prjónaða að neðan eða að ofan. Peysan kemur í mörgum stærðum, frá XS upp í 5XL. Hún er fremur einföld í sniði, örlítið A-línu laga og með stuttum umferðum á hnakka til að lyfta bakinu upp. Hægt er að velja um tvenns konar hálsmál, bæði eru kringlótt en annað nær alveg upp að hálsi (crew-neck) og er hitt aðeins opnara (jewel). Til þæginda eru munsturteikningarnar einnig gefnar upp á svart-hvítu formi og í öfugri litasamsetningu.

Stærðir: XS(S,M,L)XL,2XL,3XL(4XL,5XL)
Ráðlögð stærð: 10 cm laus um brjóstkassa. Bætið 10 cm við brjóstmál og veljið stærð sem er næst því*. Ef óskað er eftir lausara sniði, veljið stærð fyrir ofan. Berið önnur tilbúin mál við ykkar eigin.

Dökka peysan og hneppta peysan á myndunum eru báðar í stærð M á 89 cm brjóstmáli. Peysan er með opnara hálsmáli og er, ásamt hnepptu peysunni, aðeins styttri en uppskrift segir til um.

Tilbúin mál:
A Brjóst: 80(90,98,106.5)115.5,129,138(149,160) cm
B Hálsmál:

• Hálsmál á peysu, þétt upp að hálsi: 39(40,41,42)43,44.5,45.5(46.5,48) cm
• Hálsmál á peysu, opnara: 48(49,50,51)52,53,54.5(55.5,56.5) cm
• Hálsmál á hnepptri peysu: 42.5(44,45,46)47,48,49(50.5,52.5) cm

C Upphandleggur: 31(32,34.5,38)41,45.5,49(53.5,56.5) cm
D Lengd bols að handvegi: 32(33,34,35)36,37,38(39,40)cm
E Lengd ermar: 38(39,40,41)42,43,43(44,44) cm
F Lengd  axlastykkis að framan: 23(23.5,24,24.5)24.5,25,25(25.5,25.5) cm